Sin glatsch ester ha il HCD gudagnà quatter da las tschintg davosas partidas. Ed en il Hallenstadion a Turitg han ils da Tavau pudì cuntinuar questa buna tradiziun. Ed els n'èn betg sa preschentads sco in'equipa che sto giugar cunter la relegaziun.
Il HCD ha strusch fatg sbagls en questa partida. E quai malgrà ch'els han stuì desister da Magnus Nygren, ed han uschia mo gì a disposiziun dus giugaders da l'ester. Ils sbagls han percunter ils ZSC Lions fatg. Gia suenter 90 secundas ha in pass fallà pussibilità al HCD d'ir en avantatg.
Suenter ch'ils turitgais èn lura vegnids d'egualisar, han dus gols da Clarence Kparghai ed Andres Ambühl aifer 21 secundas manà ils grischuns sin la via dal success. Suenter n'è il HCD betg pli vegnì en privel da perder questa partida.
Tabella Liga naziunala
| Gieus | Gols | Puncts | ||
| 1. | Berna | 50 | 143:99 | 101 |
| 2. | Zug | 50 | 159:115 | 97 |
| 3. | Losanna | 50 | 141:126 | 82 |
| 4. | Bienna | 50 | 149:138 | 79 |
| 5. | Ambri-Piotta | 50 | 138:140 | 79 |
| 6. | SCL Tigers | 50 | 132:126 | 78 |
| 7. | Lugano | 50 | 160:141 | 78 |
| 8. | Genevra | 50 | 137:150 | 75 |
| 9. | ZSC Lions | 50 | 129:132 | 74 |
| 10. | Friburg | 50 | 125:125 | 74 |
| 11. | Tavau | 50 | 121:167 | 51 |
| 12. | Lakers | 50 | 92:167 | 32 |
RR novitads 18:00