Naziunal/Internaziunal - In mais pausa per il skiunz Justin Murisier
Il skiunz svizzer Justin Murisier sto quintar cun ina pausa da quatter emnas. Suenter sia blessura en il trenament è Murisier vegnì operà vid il schanugl. Ina part dal meniscus ha stuì vegnir allontanà.
Justin Murisier quinta ch’el possia puspè ir a la partenza l’entschatta december tar las cursas da la cuppa mundiala a Beaver Creek en ils Stadis Unids. Tar l'emprima cursa da la stagiun sin il glatscher da Sölden en l'Austria era Murisier vegnì la fin october 15avel en il slalom gigant ed uschia stà il meglier skiunz svizzer.
