Ina buna nova suenter ina greva crudada

La blessura da la skiunza svizra Corinne Suter è main nauscha che temì. La skiunza da 21 onns dal chantun Sviz era crudada tar il Super-G da la dumengia a Garmisch.

La skiunza svizra Corinne Suter. Bild in Lightbox öffnen.

Legenda da maletgs: In di avant la greva crudada era Corinne Suter vegnida 10avla tar la cursa rapida. Keystone

Malgrà che la cupitgada aveva laschà temair ina greva blessura, è Suter mitschada cun ina blessura vi da la coissa sanestra e cun ina leva stremblida dal tscharvè.

Tut saja ì uschè spert ed ella saja cuntenta, che las blessuras na sajan betg pli grevas, ha Corinne Suter ditg. Sch'ella po partir tar las cursas da la proxima fin d'emna a Crans-Montana, n'è dentant anc betg cler.

RR Novitads 22:00