Malgrà che Wolfsburg ha prendì il gieu enta maun ha Napoli la finala gì motiv da far festa. Gia en la 15avla minuta ha Gonzalo Higuain sajettà il 1:0 per Napoli. 8 minutas pli tard ha Marek Hamsik augmentà al 2:0. Hamsik ha en la 64avla minuta tuc per la segund giada ed en la 77avla minuta ha Manolo Gabbiadini tuc al 4:0 per Napoli ch’ha er giugà cun il svizzer Gökhan Inler. Nicklas Bendtner ha en la 80avla minuta pudì scursanir per Wolfsburg al 1:4 ed uschia procurar per in zic cosmetica dal resultat.
Sevilla batta Zenit St. Petersburg
Ina victoria hai er dà per il defensur dal titel. Il FC Sevilla ha battì a chasa Zenit St. Petersburg cun 2:1, quai suenter che l’equipa russa è ida cun 1:0 en avantatg. Il gol decisiv ha il spagnol Denis Suarez sajettà curt avant la fin.
L’AC Fiorentina ha giugà ordaifer encunter Dynamo Kiew pari 1:1 e nagins gols hai dà tranter Brügge e Dnjepr Dnjepropetrowsk.
RR novitads 07.00