Legenda:
Herbert Schädler na trenescha betg pli il club da hockey da Cuira.
mad
cuntegn
Naziunal/Internaziunal - Ina separaziun immediata
Herbert Schädler n’è per immediat betg pli trenader dal club da hockey da Cuira. Quai ha l’EHC Cuira communitgà. Ins ha reagì uschia sin il fatg che Schädler banduna la fin da la stagiun uschia ni uschia la chapitala e mida tar l’EHC Arosa.
Per evitar ch’i dettia en l’emprima runda dals playoffs en 1. Liga la situaziun che Schädler frunta cun sia equipa actuala sin sia equipa futura, ha Cuira relaschà Schädler per immediat.
Ad interim surpiglia il trenader d’assistenza Gerry Schneller ensemen cun ils giugaders blessads da Cuira Rico Bonorand ed Andreas John.
Gia damaun sonda en la davosa partida da la masterround encunter Biasca è Gerry Schneller il trenader da Cuira.
