Siglir tar il cuntegn

Header

Navigaziun

In ballapedist tegn ses chau.
Legenda: Igl è schon stà da trair per ils chavels. Ils Young Boys (qua Loris Benito) n'han betg persvadì cunter Valencia. Keystone
cuntegn

Naziunal/Internaziunal Ina ulteriura terrada per YB

Ils Young Boys han pers il quart gieu da gruppa en la Championsleague. Cunter Valencia è resultà ordaifer in 1:3.

Il sulet gol per YB ha sajettà Assalé en la 37avla minuta. Per il campiun svizzer fiss dapli stà pussaivel, ma YB ha giugà flaivel en la defensiva e laschà ora insaquantas schanzas en l'offensiva. Latiers hai dà en la 77avla minuta ina carta cotschna cunter Sanogo.

Cun mo 1 punct ord 4 gieus vegni grev per ils Bernais da restar en la cuppa d'Europa sur l'enviern. Per anc cuntanscher plazza 3 – che lubescha da sa participar a la fasa da k.o da l'Europaleague – sto YB gudagnar en 3 emnas il gieu d'ordaifer cunter Manchester United.

RR novitads 21.00