El ha procurà a Barcelona per la gronda sensaziun. Cun be 18 onns e 228 dis è Max Verstappen daventà il pli giuven victur d’in GP en l’istorgia da la furmla 1. El ha substituì Sebastian Vettel sco purtader dal record. Lez aveva gudagnà ses emprim GP il 2008 a Monza en ina vegliadetgna da 21 onns e 73 dis.
Cun quai n’avess’jau mai fatg quint. Igl è simplamain i si tut ideal. Incredibel!
L’Ollandais è sa distanzià la dumengia a Barcelona dal Finlandais Kimi Räikkönen (Ferrari) e dal quatterdubel campiun mundial Sebastian Vettel (Ferrari).
audio
Sportissimo: In mument istoric per la furmla 1
ord Sportissimo dals 15.05.2016.
laschar ir. Durada: 2 minutas 38 Secundas.
Il manader da la cuppa mundiala e quatterdubel victur da stagiun Nico Rosberg e campiun mundial Lewis Hamilton eran gia collidads in cun l’auter en l’emprima runda. Omadus pilots da Mercedes èn crudads or.
RR novitads 16:00 / RR Sportissimo 17:00