Avant sia midada da quest onn tar il HCD è Pestoni stà duas stagiuns tar ils ZSC Lions. Tar quels aveva el midà davent da sia equipa oriunda, Ambri-Piotta. Tar Ambri aveva Pestoni fatg tras tut ils stgalims da juniors. Suenter è el stà en acziun set onns en la liga naziunala A da la Svizra. Cun l'equipa naziunala svizra ha Pestoni dà 29 gieus internaziunals.
Il goli da 24 onns Sandro Aeschlimann ha suttascrit in contract da dus onns tar il Club da hockey da Tavau. Aeschlimann è vegnì il 2016 da l'Elmira College en l'America dal nord tar l'EV Zug. Per Zug ha el dà 49 gieus sco era nov partidas en la liga naziunala. En la stagiun actuala è Aeschlimann stà enfin uss sis giadas sin il glatsch. El ha ina quota da tegnair gols da 93,3% en media.
RR novitads 11:00+
