Il turitgais è sa preschentà trais emnas e mez avant las concurrenzas d'olimpiada en buna furma. Podladtchikov ha gudagnà la cursa avant il victur dal classament general, il Giapunais Yuto Totsuka. Il svizzer Jan Scherrer è vegnì quart e Pat Burgener 11avel.
Hablützel è stabil
En il segund percurs è il turitgais David Hablützel cupitgà grevamain. El è vegnì transportà en l'ospital chantunal a Cuira. Tenor Swiss-Snowboard saja el stabil e na saja blessà grevamain. La diagnosa mussia ch'el haja contusiuns da la spina dorsala da las ancas, da la spatla sco era ina squassada dal tscharvè. Hablützel restia vinavant en l'ospital chantunal a Cuira. Tge che quai munta en vista als gieus olimpics n'è anc betg cler. La qualificaziun per la concurrenza da mesa pipa è ils 13 da favrer.
RR novitads 16:00+