Siglir tar il cuntegn

Header

cuntegn

Ironmann sin mesa distanza Daniela Ryf è per 5avla giada campiunessa mundiala

Grond success per la Svizra als campiunadis mundials dad ironmann 70.3 a Nizza. A la favurita da 32 onns da Solothurn, Daniela Ryf, è gartegiada la terza victoria en seria e ses 5avel titel da campiunessa mundiala sin mesa distanza. Per la concurrenza a Nizza ha ella duvrà 4:23:04 uras. Quai èn bunamain 4 minutas avantatg sin la Brita Holly Lawrence ch'ha terminà la cursa sco terza.

Ulteriura Svizra sin plaz 3

Ina bunamain anc pli gronda surpraisa per la Svizra che la victoria da Ryf è stà il terz plaz dad Imogen Simmonds. La giuvna da 26 onns ch'è creschida si a HongKong ha pers sur 1,9km nudar, 90 km ir cun velo e 21,1 km currer bun 5 minutas sin la victura Ryf.

audio
Diversas novitads dal sport
ord Sportissimo dals 07.09.2019.
laschar ir. Durada: 3 minutas.

RR novitads 14:00

Artitgels legids il pli savens