Gudagnà il segund trenament a Wengen ha il campiun olimpic austriac Matthias Mayer. Terz è vegni in ulteriur Austriac, Max Franz. Il Grischun Mauro Caviezel daventa 17avel, ed il campiun mundial Patrick Küng vegn sin plazza 21.
Trenament en purziuns
Ils skiunzs han absolvì il segund trenament puspè sin ina pista scursanida. Questa giada è la partenza stada sisum dal tut, il trenament è dentant stà a fin suenter main che 90 secundas curt suenter la Wasserstation.
Respectà il reglament
Damai ch’il trenament da mardi è stà sin la part sut da la pista, pon las cursas da venderdi e sonda avair lieu sco planisà. Il reglament vegn resguardà ch’ils skiunzs ston pudair ir almain ina giada l’entira pista durant ils trenaments.
RR novitads 14:00