Siglir tar il cuntegn

Naziunal/Internaziunal Jansrud e Svindal procuran per exploit norvegiais a Val d’Isère

In di suenter sia victoria en il Super-G ha il norvegiais Kjetil Jansrud era gudagnà l’emprima cursa rapida da la stagiun.

Il norvegiais era 26 tschientavels pli spert ch’il talian Peter Fill. Er il segund norvegiais, Aksel Lund Svindal, ha gì ina buna cumparsa a Val d’Isère: Suenter sia segunda plazza en il Super-G è el vegnì in di pli tard anc ina giada sin il podest, quai sco terz.

Il meglier svizzer è Patrick Küng sin plazza set. Il campiun mundial da la cursa rapida ha pers ina secunda sin il temp da Jansrud. Tenor l’agentura da novitads svizra SDA haja el dentant mussà ina prestaziun respectabla. Küng aveva numnadamain stuì terminar la stagiun passada gia il schaner pervi dad ina blessura dad in oss.

RR novitads 14:00