Siglir tar il cuntegn

Header

Kjetil Jansrud en acziun
Legenda: Kjetil Jansrud en acziun al Super-G da Kvitfjell. Keystone
cuntegn

Naziunal/Internaziunal Jansrud gudagna il Super-G da la cuppa mundiala a Kvitfjell

Il Norvegais gudagna cun 17 tschientavels avantatg sin Vincent Kriechmayr da l'Austria. Terz è il victur da la cursa rapida da sonda, Dominik Paris da l'Italia.

Ord vista svizra è era oz Beat Feuz stà il pli svelt. Feuz vegn 6avel, Carlo Janka gist suenter, 7avel. Els perdan da quai dad 80 tschientavels sin Jansrud. Il Norvegiais festivescha sia 14avla victoria en la cuppa mundiala, la quarta en questa stagiun.

Interessants resta il cumbat per la culla da cristal pitschna en il Super-G

Quella decisiun croda pir gievgia che vegn en il final a San Murezzan. Da nov a la testa da quest cumbat è Aleksander Aamodt Kilde da la Norvegia, ch'è vegnì quart dumengia. Suandà dad Askel Svindal ch'è blessà.

Vincent Kriechmayr ha in retard da 37 puncts en il cumbat per quella culla pitschna. Schanzas intactas ha era Kjetil Jansrud, ses retard è tar 40 puncts. Ins dastga pia esser spannegià sin quest cumbat final a San Murezzan.

RR novitads 14:00

RTR/sda/gj/ggf