Kjetil Jansrud gudogna la davosa cursa rapida da la stagiun cun in avantatg da 24 tschientavels sin Didier Défago. Terz cun in retard da 31 tschientavel vegn l’austriac Georg Streitberger.
Küng e Feuz en ils top 10
Cun Patrick Küng e Beat Feuz han anc dus ulteriurs skiunzs svizzers persvadì a Méribel. Küng, il campiun mundial da Beaver Creek, è vegnì 7avel cun in retard da 74 tschientavels. Be dus tschientavels pli plaun è Beat Feuz stà. Il Bernais è vegnì 9avel. Carlo Janka da Sursaissa ha perencunter stuì sa cuntentar cun il 16avel plaz.
Jansrud gudogna duel cun Reichelt
Grazia a questa victoria ha Kjetil Jansrud er gudagnà la culla da cristal en la disciplina cursa rapida, quai avant l’austriac Hannes Reichelt ch’è vegnì be 10avel en la davosa cursa rapida da la stagiun. Terz en quest classament è vegnì il franzos Guillermo Fayed. Meglier svizzer è Beat Feuz sco 7avel avant Patrick Küng sco 8avel.
RR novitads 11:00