Jansrud gudogna premiera en la Corea dal Sid

Kjetil Jansrud ha gudagnà l'emprima cursa rapida sin la nova pista a Jeongseon en la Corea dal sid. Il Norvegiais è stà 20 tschientavels pli spert ch'il Talian Dominik Paris. Beat Feuz (5.) e Carlo Janka (7.) mussan medemamain ina buna prestaziun sin la pista dals gieus olimpics 2018 a Jeongseon.

Kjetil Jansrud gudogna a Jeongson avant Dominik Paris e Steven Nyman. Bild in Lightbox öffnen.

Legenda da maletgs: Kjetil Jansrud gudogna avant Dominik Paris e Steven Nyman. Keystone

Il podest

  • 1. Kjetil Jansrud (NOR) 1:41,38
  • 2. Dominik Paris (ITA) + 0,20
  • 3. Steven Nyman (USA) + 0,41

Ina giada dapli gudogna in Norvegiais ina cursa rapida en questa stagiun. Quai è gia la 6avla victoria norvegiaisa en la 8avla cursa. Per Jansrud è quai dentant sia emprima victoria en ina cursa rapida questa stagiun. Aksel Svindal ha gudagnà quatter giadas ed Aleksander Kilde ha gudagnà la davosa cursa avant in’emna a Garmisch. Oz ha Kilde dentant gia suenter paucas secundas pers in ski e n'è betg rivà en l’arrivada. El na'ha betg sa fatg mal.

Laschar ir video «Schrecksekunde für Kilde: nur noch einen Ski»

Kilde perda ses ski

0:49 min, dals 6.2.2016

Test da la nova pista gartegiada

Jansrud aveva gia en ils trenaments sin la nova pista a Jeongseon mussà las meglras prestaziuns. La pista è vegnida fabritgada per ils gieus olimpics 2018 en la Corea dal Sid. Cun questa cursa ha la nova pista pia dumagnà l'emprim grond test. La pista ch'è vegnida fabritgada da Bernhard Russi è avant la cursa vegnida crititgada sco memia simpla e memia plauna per ina cursa rapida. Il Svizzer na vuleva dentant betg laschar valair quellas criticas. Quels che hajan reclamà, hajan la fin finala era gì las pli grondas difficultads cun la pista, uschia Russi.

Buna prestaziun dals svizzers

Gist quatter svizzers en ils top 15 tar la cursa da la Corea dal Sid.

Sco 5avel e Beat Feuz il meglier svizzer. Avrir maletg en lightbox.

Legenda da maletgs: Sco 5avel e Beat Feuz il meglier svizzer. Keystone

  • 5. Beat Feuz +0,49
  • 7. Carlo Janka +0,58
  • 13. Ralph Weber +0,89
  • 14. Marc Gisin +0,92