Siglir tar il cuntegn
cuntegn

Naziunal/Internaziunal Jasmine Flury anc ina giada quarta

En il super-G ha l'Engiadinaisa manchentà il podest be per pauc. Ella è stada be 6 tschientavels pli plauna che l'emprima, Ilka Stuhec.

Purtret da Jasmine Flury durant la cursa da super-G.
Legenda: Jasmine Flury è er oz puspè vegnida quarta en il super-G. Keystone

Sco gia ier è la giuvna grischuna sa plazzada gist dasper il podest. Questa giada en il super-G, ier en la cursa rapida a Val Gardena. Per dumagnar sin il podest ha mancà a la giuvna da 25 onns da San Murezzan be 1 tschientavel. Tar l'ultim temp intermediar aveva ella anc manà. Sin la victura da la cursa, la slovena Ilka Stuhec han mancà be 6 tschientavels.

L'austriacca Tina Weirather e Nicole Schmidhofer dal principada da Liechtenstein èn stadas tuttina sveltas e partan cunquai il segund plaz.

RR novitads 14:00