La gimnasta artistica Jessica Diacci sa retira la fin d'october dal sport d'elita. La sportista da 24 onns da l'Argovia è stada durant otg onns commembra dal cader naziunal svizzer ed è sa participada a 3 campiunadis mundials, 5 campiunadis europeics sco er ad ulteriuras concurrenzas internaziunalas. Il 2012 è Diacci vegnida campiunessa svizra al trav d'equiliber. Cun il team Argovia ha ella gudagnà dal 2006 fin il 2012 set giadas en roda il titel da campiun d'equipa.
RR novitads 10:00