La skiunza svizra Joanna Hählen perda sia emprima plazza da podest ch'ella aveva fatg tar la cursa rapida da la fin d'emna a Crans-Montana. La FIS ha anc ina giada prendì sut la marella il caos tar la mesiraziun dal temp ch'i aveva dà. Quai ha per consequenza che Hählen è quarta, enstagl da segunda.
Lara Gut-Behrami è vegnida classada enavos da plazza 3 sin 6. Da quai profitescha Corinne Suter ch'è nov terza. La Taliana Sofia Goggia resta la victura.
RR novitads 14:00