In'emna suenter sia victoria a Kuusamo en la Finlanda ha la Norvegiaisa, Therese Johaug, er gudagnà a Lillehammer la cursa sur 10 km – quella giada en il stil liber e betg classic. Segunda e terza èn vegnidas las Svedaisas Ebban Andersson (+9,2 secundas) e Charlotte Kalla (+15,7 secundas).
La Bernaisa, Nathalie von Siebenthal, ch'ha en l'emprima cursa anc stuì sa cuntentar cun il 36avel plaz, è vegnida da sa meglierar a Lillehammer sin plaz 17. Sin il temp da Johaug ha ella pers 1 minuta e 38 secundas. Nadine Fähnrich ha sco 34avla manchentà puncts da la cuppa mundiala.
RR novitads 12:00