Naziunal/Internaziunal - Jolanda Neff è campiunessa europeica
La svizra Jolanda Neff è campiunessa europeica da mountainbike. Ella ha gudagnà la medaglia dad aur en la disciplina Cross Country a Chies d'Alpago en l'Italia.
Neff, ch’è partida sco gronda favurita, ha gudagnà aur avant la Taliana Eva Lechner e la Slovena Blaza Klemencic. Per Jolanda Neff èsi l’emprim titel da campiunessa d’Europa tar l’elita. La Svizra da 22 onns ha dominà la cursa e la finala distanzià l’entira concurrenza per 46 secundas e dapli.
