Jolanda Neff n'ha laschà nagina schanza a sias concurrentas. Gia suenter duas rundas aveva Neff in avantatg d'ina minuta sin la segunda, la canadaisa Catharine Pendrel. A la fin da la cursa era l'avantatg anc tar 34 secundas. Terza è vegnida la franzosa Pauline Ferrand-Prévost.
Jolanda Neff na fiss bunamain betg ida a la partenza. La damaun avant la cursa saja ella cupitgada ed haja pitgà en il chau. Suenter saja ella probabel stada senza schientscha per 30 secundas.