Jolanda Neff gudogna aur a Mont-Sainte-Anne

Suenter ses success a Nove Mesto ed ad Albstadt ha Neff gudagnà la terza da quatter cursas da questa stagiun da la cuppa mundiala a Mont-Sainte-Anne en il Canada.

La mountainbikera Jolanda Neff stenda or la bratscha sin ses velo cur ch'ella vegn sco emprima en l'arrivada a Mont-Saint-Anne Bild in Lightbox öffnen.

Legenda da maletgs: Jolanda Neff gudogna a Mont-Saint-Anne Keystone

Jolanda Neff n'ha laschà nagina schanza a sias concurrentas. Gia suenter duas rundas aveva Neff in avantatg d'ina minuta sin la segunda, la canadaisa Catharine Pendrel. A la fin da la cursa era l'avantatg anc tar 34 secundas. Terza è vegnida la franzosa Pauline Ferrand-Prévost.

Jolanda Neff na fiss bunamain betg ida a la partenza. La damaun avant la cursa saja ella cupitgada ed haja pitgà en il chau. Suenter saja ella probabel stada senza schientscha per 30 secundas.