Jolanda Neff gudogna classament general dal Cross Country

La sportista da mountainbike svizra Jolanda Neff ha puspè gudagnà il classament general da la cuppa mundiala. En l'ultima cursa da la cuppa mundiala en la Val di Sole en l'Italia è ella vegnida segunda en il Cross Country suenter Annika Langvad dal Danemarc.

Jolanda Neff resta il numer 1 en la disciplina Cross Country. Bild in Lightbox öffnen.

Legenda da maletgs: Jolanda Neff resta il numer 1 en la disciplina Cross Country. Keystone

En questa stagiun è Neff stada tar 5 da 6 cursas da la cuppa sin il podest, 3 giadas schizunt il pli sisum. Per gudagnar il classament general avess gia in 23avel plaz tanschì a Neff. Gia l'onn passà aveva la Songagliaisa da 22 onns gudagnà il classament general da la cuppa mundiala da la disciplina Cross Country.

RR novitads 14:00