Sa qualifitgadas per ils finals a Park City en ils Stadis Unids eran dasper Julie Zogg era Patrizia Kummer, Nicole Baumgartner e la terza dal slalom gigant parallel dal glindesdi, Ladina Jenny. Jenny e Baumgartner èn lura gia crudadas ora en ils otgavelfinals, Kummer pauc pli tard en ils quartfinals cunter Julie Zogg.
Tar ils umens daventa il Russ Dmitry Loginov campiun mundial dal slalom parallel. El fa uschia sia segunda medaglia d'aur suenter la victoria dal glindesdi en il slalom gigant parallel. Dario Caviezel da Cuira fa in grev sbagl en ils otgavelfinals e croda ora.
Puspè disfortuna per Nevin Galmarini
Per Nevin Galmarini èn ils campiunadis mundials a Park City ina trista chaussa. Al snowboarder engiadinais na gartegia er betg la qualificaziun per ils finals dal slalom parallel – tuttina sco il glindesdi tar il slalom gigant parallel. Galmarini sto dar si en l'emprima cursa da qualificaziun pervi da dolurs en il dies.
RR novitads 20:00 ++
