Naziunal/Internaziunal - Julien Vauclair na gioga betg pli per la Svizra
Julien Vauclair na gioga betg pli per l'equipa naziunala da hockey sin glatsch. Il defensur da 35 onns vul sa concentrar cumplainamain per ses patrun, il HC Lugano.
Suenter Roman Wick è Julien Vauclair gia il segund giugader impurtant che sa retira da l'equipa naziunala. Il Giurassian ha giugà a 12 campiunadis mundials e 3 giadas a gieus olimpics. En tut ha Vauclair giugà 210 gieus internaziunals.
