Juventus Turin cuntanscha il quartfinal da la Champions League. Quai malgrà ch'ils Talians avevan pers ordaifer cunter Atletico Madrid cun 0:2. A chasa ha la squadra da Turin dentant pudì persvader. L'um da la saira è stà Cristiano Ronaldo - quai cun ina tripletta.
En la segunda partida da la saira ha Manchester City gudagnà cunter Schalke 04 cun 7:0. Ils Englais n'han laschà nagina schanza a la squadra da Schalke. Gia suenter l'emprima mesadad manavan Manchester cun 3:0. Il Svizzer Breel Embolo è stà durant 69 minutas sin il plaz per Schalke.
RR novitads 23:00