Siglir tar il cuntegn

Header

cuntegn

Naziunal/Internaziunal Kambundji manchenta final malgrà record – er Büchel croda ora

Mujinga Kambundj e Selina Büchel han manchentà il final al campiunadi mundial da l’atletica leva a Peking: quai malgrà bunas prestaziun cun in nov record svizzer sur 200 meters.

Mujinga Kambundj ha ina giada dapli battì il record svizzer en la cursa da 200 m. La curridra svizra da 23 onns è stada 16 tschientavels pli sperta ch’avant 3 emnas als campiunadis svizzers a Zug. cura ch’ella era currida nov record svizzer sur 200 meters. Ses temp da 22,64 n’ha dentant betg tanschì per il final a Peking. Per vegnir en il final avess ella stuì currer in temp da 22,47, uschia che 17 tschientavels han manca a la quarta da la cursa dal mezfinal

Manchentà final curt avant l’arrivada

La spezialista dad 800 meters Selina Büchel ha cumenzà fitg spert la cursa da mezfinal ed ha lura controllà durant ina runda e mez la cursa davent da la testa. Pir curt avant l’arrivada han las concurrentas vargà ella en il spurt final. Cun in temp da 1:58.63 minutas è la Svizra da 24 onns currida il segund meglier temp ch’ella insumma ina giada currida ed è be stada 0,68 secundas pli plauna che tar ses record svizzer ch’ella ha fatg il fanadur. Il final ha la curridra da Toggenburg manchentà per be 6 tschientavels. Ella è vegnida terza dal mezfinal.

Artitgels legids il pli savens