Ses club da tschep Olympiakos Piräus empresta il giugader d'amez da 24 onns per in onn a Nottingham Forest. En l'Engalterra aveva Kasami gia dà dal 2011 fin il 2014, lura cun Fulham en la Premier League.
Tar Piräus n'ha il success betg mancà
Ils dus onns che Pajtim Kasami è stà tar Olympiakos Piräus ha el dastgà dar regularmain. Cun il club ha el gudagnà duas giadas il campiunadi grec ed ina giada la cuppa. Il nov trenader spagnol Victor Sanchez na veseva dentant nagina rolla pli per Kasami.
Nottingham Forest betg ina top-adressa
Nottingham Forest ha giugà la davosa giada il 1999 en la Premier League. Ils pli gronds success dateschan da la fin dals onns setanta. Dapi il 2012 ha il club englais possessurs dal Kuwait, ed en quest temp èn gia otg trenaders stads responsabels per l’equipa. La davosa stagiun è Nottingham Forest sa rangà la finala sin plazza 16, tranter las 24 equipas da la segunda liga englaisa.
Pliras giadas en la squadra naziunala
Las colurs svizras a Pajtim Kasami purtà fin uss 12 giadas, per il campiunadi europeic n'er el dentant betg vegnì resguardà.
RR novitads 21:00