La Tudestga da 28 onns ha gudagnà per l'emprima giada il turnier a New York. En il final ha Kerber battì la Tschecha Karolina Pliskova en trais sets cun 6:3, 4:6 e 6:4. Kerber è davent da glindesdi il numer in dal mund ed ha gia gudagnà quest onn l'Australian Open.
Tut ses siemis sajain ids èn vigur quest onn, uschia Kerber avant ch'ella ha retschavì il pocal. La giugadra tudestga era sa qualifitgada avant tschintg onns l'emprima giada surprendentamain per il mez final a New York. A partir da quella giada era Kerber adina tranter las diesch meglras, n'aveva dentant mai pudì fin il pli davant.
RR novitads 09:00