Lewis Hamilton ha manchentà la victoria anticipada en la furmla 1. Il pilot da Mercedes britannic è vegnì terz al Grond Premi ad Austin en ils Stadis Unids. Ses concurrent Sebastian Vettel sin Ferrari è vegnì quart. Trais cursas avant la fin da la stagiun po Vettel uschia be pli teoreticamain surpassar Hamilton. La proxima schanza da gudagnar il tschintgavel titel da sia carriera ha Hamilton dumengia proxima al Grond Premi dal Mexico.
Gudagnà il Grond Premi dals Stadis Unids ha il Finlandais Kimi Räikkönen sin Ferrari avant l'Ollandais Max Verstappen sin Red Bull.
Per Sauber hai er dà in punct. Marcus Ericsson è numnadamain vegnì dieschavel – quai suenter che Esteban Ocon (otgavel) e Kevin Magnussen (novavel) èn vegnids disqualifitgads
RR novitads 06:00
