Siglir tar il cuntegn

Header

cuntegn

Naziunal/Internaziunal Kimi Räikkönen mida tar Sauber

Il Finlandais banduna la squadra da Ferrari la fin da la stagiun e mida tar la squadra da Hinwil. El haja suttascrit in contract da dus onns. Quai ha communitgà Sauber.

Kimi Räikkönen banduna Ferrari cun la fin da questa stagiun e turna tar Sauber-Alfa Romeo. Quai ha communitgà la squadra da Hinwil. L'«Iceman» haja suttascrit per duas stagiuns (2019/2020) tar Sauber.

Cumenzà tar Sauber

Kimi Räikkönen turna uschia enavos tar sias ragischs. L'onn 2001 aveva sia carriera en la furmla 1 numnadamain cumenzà tar Sauber. Silsuenter è el er partì per las squadras da McLaren e Lotus. Actualmain è el collega da squadra dal Tudestg Sebastian Vettel tar Ferrari.

Ultim campiun sin Ferrari

Il pilot finlandais è stà engaschà en tut durant otg onns tar Ferrari. Gist en ses emprim onn, il 2007, è el daventà campiun mundial cun Ferrari, quai sco davos pilot da la Scuderia enfin qua.

Räikkönen e Leclerc barattan cockpit

Successur da Räikkönen tar Ferrari daventa Charles Leclerc. Il Monegass absolvescha actualmain sia emprima stagiun en la furmla 1 tar la squadra dad Alfa Romeo Sauber. Leclerc ha fatg part dal program da promoziun da Ferrari. El vala actualmain sco in dals pli gronds talents.

RR novitads 11:00

Artitgels legids il pli savens