Siglir tar il cuntegn

Naziunal/Internaziunal Kjetil Jansrud gudogna a Lake Louise

Il Norvegiais, partì cun il numer set, ha nizzegià las meglras relaziuns al cumenzament da la cursa dal super-G a Lake Louise. Jansrud gudogna avant Franz e Reichelt.

Il skiunz norvegiais Kjetil Jansrud
Legenda: Kjetil Jansrud sin via a sia 20avla victoria en la cuppa mundiala, e la 10avla en il super-G. Keystone

Kjetil Jansrud distanziescha ils dus Austriacs Max Franz e Hannes Reichelt per 28 respectiv 32 tschientavels. Uschia ha il Norvegiais da 32 onns pudì festivar sia 20avla victoria en la cuppa mundiala.

Cun in retard da 1,35 secundas sa ranghescha Beat Feuz sco meglier Svizzer sin plazza 12. Il Grischun Thomas Tumler perda 1,36 secundas sin Jansrud e daventa 13avel. Era anc en ils top 30 arrivan Urs Kreyenbühl sco 22avel, Gilles Roulin sco 25avel ed il Grischun Mauro Caviezel sco 28avel.

RR novitads 22:00