Königscamp Wildhaus - Armon Orlik trenescha giuvenils - Sport

Königscamp Wildhaus Armon Orlik trenescha giuvenils

Emprender dals megliers – sut quest moto organisescha Roger Fuchs uss gia per l’otgavla giada in camp per giuvens lutgaders ad Oberdorf en las muntognas sur Wildhaus en il Toggenburg. Da la partida a quest camp naziunal da lutga che cuzza in’emna èn radund 70 giuvenils tranter 10 e 15 onns.

Autur: Andreas Wieland

audio

Königscamp a Wildhaus - onn per onn in punct culminant

ord Actualitad dals 06.08.2020.

laschar ir. Durada: 2 minutas 28 Secundas.

Tips e trics dals stars

En il center stat il sport da lutga, ma i saja er in camp polisportiv. Dasper vegnia er anc giugar ballape, unihoc, ir a viagiar ed anc bler auter, uschia Roger Fuchs. Il punct culminant è dentant da pudair trenar cun ils stars da lutga che vegnan mintgamai envidads dals organisaturs. Quest onn dastgan ils giuvens talents da lutga emprender insatge d’Arnold Forrer, Remo Käser, Joël Wicki, Nick Alpiger u er d’Armon Orlik che vala dapi intgins onns sco in dals pli ferms lutgaders en Svizra.