Siglir tar il cuntegn
cuntegn

Naziunal/Internaziunal Kohler demissiunescha da la federaziun da hockey SIHF

Florain Kohler, il CEO da la Swiss Ice Hockey Federation SIHF, demissiunescha la fin da questa stagiun da ses post a la testa dal hockey svizzer. Quai ha communitgà la federaziun da hockey.

Portrait.
Legenda: Florian Kohler: Il CEO partent durant ina conferenza da medias il settember passà. Keystone

Florian Kohler è dapi sis onns a la testa da la federaziun. Sia demissiun ha el annunzià per la fin da la stagiun. I saja il dretg mument per ir davent da la federaziun, citescha l'agentura da novitads svizra SDA il CEO partent. Ins haja cuntanschì bler cun Swiss Ice Hockey, l'uffizi administrativ funcziunia bain ed ils gronds contracts da sponsoring sajan vegnids prolungads.

Durant ses temp d’uffizi ha la squadra naziunala gudagnà duas giadas la medaglia dad argient als campiunadis mundials. Cura exact che Kohler parta da la federaziun e tgi che vegn a surpigliar ses uffizi na saja anc betg enconuschent, finescha la SDA ses rapport.

L'annunzia da la federaziun sin twitter:

RR novitads 14:00