Siglir tar il cuntegn

Header

Marcel Koller sblatscha.
Legenda: Marcel Koller (maletg d'archiv). Keystone
cuntegn

Naziunal/Internaziunal Koller è nov trenader dal FCB

Uss èsi uffizial: Marcel Koller è il nov trenader dal FC Basilea. Il Turitgais ch'ha 57 onns ha suttascrit in contract da dus onns. El cumenza sia lavur per immediat.

Koller daventa il successur da Raphael Wicky ch'è vegnì relaschà avant in'emna. Thomas Janeschitz e Carlos Bernegger èn ils assistents da Marcel Koller. Janeschitz è l'anteriur coach da la naziunala austriaca e Bernegger è stà fin il 2017 il schef-trenader dals Grasshoppers.

Koller ha trenà davent dal november 2011 fin l'october 2017 l'equipa naziunala da l'Austria. Sco trenader da club ha el gudagnà duas giadas il campiunadi Svizzer: il 2000 cun il FC Son Gagl ed il 2003 cun ils Grasshoppers.

RR novitads 14:00