Siglir tar il cuntegn

Header

Ils victurs dal slalom a Wengen.
Legenda: Per il victur Henrik Kristoffersen è quai gia la 4. victoria el slalom questa stagiun. Keystone
cuntegn

Naziunal/Internaziunal Kristoffersen gudogna il slalom a Wengen

Ils Norvegiais han dominà las cursas da la cuppa mundiala a Wengen. Suenter ch’il Norvegiais Kjetil Jansrud ha gudagnà la cumbinaziun, Aksel Svindal la cursa rapida ed il Norvegiais Henrik Kristoffersen ha gudagnà il slalom a Wengen. Marc Gini è il meglier Svizzer sin plazza 24.

Il slalom a Wengen gudogna il norvegiais Henrik Kristoffersen cun in avantatg da 30 tschientavels avant il Talian Giuliano Razzoli e cun in avantatg da 68 tschientavels sin in ulteriur Talian Stefano Gross.

Marc Gini cun ils emprims puncts suenter 3 onns

Per ils Svizzers hai dà ina terrada. Luca Aerni era suenter l’emprim percurs 7avel ma el n’ha betg cuntanschi l’arrivada en il segund percurs. Er Daniel Yule ch’era 15avel suenter l’emprim percurs na vegn betg da persvader el segund percurs er el è curda ora. Sulet Marc Gini cuntanscha la finamira ed è uschia meglier Svizzer. Gini vegn 24avel e perda 2 secundas e 33 tschientavels sin il victur. Marc Gini ha per l’emprima giada suenter 3 onns puspè cuntanschì la qualificaziun per in segund percurs d’in slalom da la cuppa mundiala.

RR novitads 15:00

Artitgels legids il pli savens

Scrollar a sanestra Scrollar a dretga