L'austriaca Anna Veith è enavos. La victura da la cuppa mundiala generala ha gudagnà il super-g da las dunnas a Val d'Isère. Per l'Austriaca èsi l'emprima victoria suenter ina greva blessura dal schanugl avant dus onns.
Cun in avantatg da 48 tschientavels ha ella gudagnà encunter la victura dal super-g da Lake Louise Tina Weirather dal Principadi dal Liechtenstein. Il davos plaz sin il podest occupa la taliana Sofia Goggia.
Per il podest ha mancà pauc a Lara Gut
Per pauc ha la skiunza Lara Gut manchentà il podest: 15 tschentavels han decidì. A Gut suonda in'autra Svizra: Michelle Gisin. Cun il tschintgavel plaz conferma la spezialista da slalom ina giada dapli ch'ella ha fatg in grond progress en las disciplinas spertas. Gia avant in'emna aveva ella conferma quai cun il segund plaz tar il super-g a San Murezzan.
Ulteriuras Svizras:
- Priska Nufer: 16avla
- Corine Suter: 18avla
- Joana Hählen: 21avla
- Corinne Suter: 23avla
- Joana Hählen: 28avla
RR novitads 12:00