Siglir tar il cuntegn
Inhalt

Naziunal/Internaziunal L’equipa naziunala sin buna via als campiunadis mundials 2018

L’equipa naziunala da ballape svizra ha gudagnà la quarta partida da qualificaziun en seria. Cunter las inslas Feroes gudogna la Svizra cun 2:0.

Stephan Lichtsteiner
Legenda: Stephan Lichsteiner ha marcà il segund gol per l'equipa naziunala svizra. Keystone

Ils Svizzers han dominà la partida ed èn ids en avantatg cun 1:0 en la 27avla minuta tras Eren Derdiyok.

Il segund gol per la Svizra ha Stephan Lichtsteiner marcà en l’83avla minuta quai suenter ina flanca da Ricardo Rodriguez. L’equipa naziunala avess era pudì marcar dapli gols. Cunter las equipas pitschnas ha la Svizra dentant savens bregias. Trais giadas dentant ha la Svizra tutgà l’aluminium.

Nov record

Cun la quarta victoria en il quart gieu da qualificaziun marcà l’equipa svizra in nov record. Grazia a quests trais puncts maina la Svizra la gruppa B. La qualificaziun per ils campiunadis mundials il 2018 en Russia cuntinuescha ils 25 da mars a Genevra cunter la Lettonia.

RR actualitad 06:00