En si'emprima partida singula tar la cuppa Davis, ha Adrian Bodmer (ATP 485) cumenzà fitg bain la partida cunter Michail Kukuschkin, il numer 73 dal mund. Davent dal segund set ha il Casac dentant dominà la partida, e la finala ha il Svizzer pers cun 6:3, 3:6, 2:6 e 3:6.
Avant aveva Henri Laaksonen, il numer 1 svizzer, pers cunter il numer 2 dals Casacs Dimitri Popko. Laaksonen ch’è il numer 123 dal mund ha pers cunter Popko, il numer 231, en quatter sets cun 2:6, 6:7 (7:9), 6:3 e 5:7. Igl è stà la suletta partida, nua che la Svizra era favurisada sin fundament da la rangaziun dals giugaders.
Cun il retard da 0:2 fissi ina gronda surpraisa, sche l’equipa svizra pudess anc sa qualifitgar per ils quart-finals da la cuppa Davis.
RR novitads 14:00