Jürgen Klopp e dapi il 2008 trenader da Dortmund. Durant ils davos onns ha Klopp gudagnà cun il BVB duas giadas il titel da champiun tudestg ed ina giada la coppa da la Germania.
Actualmain è Dortmund mo sin plazza diesch da la tabella da la Bundesliga. Jürgen Klopp punctuescha dentant che la decisiun da metter a disposiziun ses post la fin da la stagiun n’haja da far nagut cun la situaziun sportiva actuala.
Sco pussaivel successur da Jürgen Klopp ha ins udì il num da Thomas Tuchel.
RR novitads 17.30