Ier saira ha Berna pers a Lugano cun 3:6 ed è crudà sin plazza 9 ed uschia sut il stritg. Enfin la fin da la stagiun maina Lars Leuenberger l'equipa da Berna. El ha suttascrit in contract enfin la fin da la stagiun. Quai ha communitgà l'SC Berna.
Boucher bandunava l’SC Berna uschia u uschia la fin da la stagiun
Avant in'emna aveva Boucher dà enconuschent ch'el bandunia il club la fin da la stagiun per motivs famigliars e turnia en sia patria Canada. Sia mamma patescha da cancer.
La stagiun passada aveva Guy Boucher gudagnà cun Berna la cuppa svizra e veva manà il club da la chapitala fin en il mezfinal dals playoffs. Dacurt era vegnì enconuschent che Boucher dirigia il Team Canada a la cuppa Spengler a Tavau.
Consequenzas en l'organisaziun da l'SC Berna
La relaschada da Guy Boucher ha era consequenzas en l'organisaziun da l'SC Berna. Cunquai ch'il nov trenader Lars Leuenberger è il frar dal schef da sport Sven Leuenberger, sa retira quel. Sven Leuenberger daventa nov schef dals juniors, da l'SCB Future. Nov schef da sport daventa Alex Chatelain ch'era fin qua schef dals juniors.
RR novitads 14:00