Siglir tar il cuntegn
cuntegn

Naziunal/Internaziunal La naziunala senza Breel Embolo

Curt avant ils dus proxims gieus da la naziunala svizra han ils medis constatà ina fractura vi dal pe sanester da Breel Embolo. Danunder che la blessura vegn n’è betg enconuschent.

Il giugader da ballape Breel Embolo.
Legenda: Breel Embolo durant il gieu da la dumengia Schalke cunter Frankfurt. Keystone

La dumengia passada ha Breel Embolo anc dà 83 minutas per ses club en la Bundesliga, tar la partida Schalke cunter Frankfurt. Uss ha in’examinaziun en il champ da la naziunala a Lugano mussà, ch’Embolo ha ina fractura vi dal pe sanester.

Uschia vegn Breel Embolo a mancar a la naziunala en il gieu da test cunter il Katar la mesemna che vegn. Ed era en il gieu da la Nations League la dumengia cunter la Belgia, na vegn l’attatgader da 21 onns betg ad esser da la partida.

Schär e Rodriguez?

Tar dus ulteriurs giugaders da la naziunala svizra datti anc ensainas da dumonda sch’els pon giugar u betg. Fabian Schär ha rut l’oss dal nas, e Ricardo Rodriguez ha problems da la coissa e dals adducturs.

RR novitads 16:00