Siglir tar il cuntegn
Inhalt

Naziunal/Internaziunal La naziunala Svizra gudogna cunter l’Islanda

En la Nations League gudogna la Svizra ordaifer cunter l'Islanda cun 2:1. Uss ha la Svizra gudagnà la segunda partida e ha il mument sis puncts.

La Svizra gudogna la finala la partida cunter l'Islanda cun 2:1.
Legenda: La Svizra gudogna la finala la partida cunter l'Islanda cun 2:1. Keystone

En l’emprima mesadad n’hai dà nagins gols. Era ha l’equipa svizra betg propi pudì persvader. Grazia al goli Yvon Mvogo che ha giugà ses debut han ils Svizzer pudì ir cun 0:0 en la pausa.

Segunda mesadad intensiva

En la segunda mesadad è la squadra svizra vegnida da marcar dus gols entras Haris Seferovic e Michael Lang. En la fasa finala han ils Islandais lura anc pudì marcar in gol uschia ch'i ha dà blera tensiun. L’Islanda ha dominà e la finala vegn la Svizra sulet cun cletg tar la victoria.

Final cunter la Belgia

En la gruppa 2 da la Nations Legue ha la Svizra uss 6 puncts, uschia vegni a Lucerna ils 18 da november cunter la Belgia tar la partida decisiva per la victoria en la gruppa 2.

En in ulteriur gieu da la Nations League batta l'Engalterra la Spagna ordaifer cun 3:2.

RR novitads 23:00