Siglir tar il cuntegn

Naziunal/Internaziunal La naziunala svizra perda cunter l’Engalterra

L’equipa naziunala da ballape svizra perda la partida da test cunter l’Engalterra ordaifer cun 0:1. Tuttina han ils Svizzers mussà ina buna prestaziun, ma cunzunt en l’emprima mesadad n'han els betg pudì marcar ils gols decisivs.

La Svizra perda la partida da test cunter l'Engalterra cun 0:1.
Legenda: La Svizra perda la partida da test cunter l'Engalterra cun 0:1. Keystone

A Leicester vegnan ils «Three Lions» da marcar il gol decisiv en la 54avla minuta tras Marcus Rushford. Ils Svizzers han dentant mussà surtut en l’emprima mesadad da la partida ina buna prestaziun cunter l’equipa englaisa. Ella ha gì pliras schanzas dad ir en avantatg.

Nations League – anc pliras partidas

Uss cuntinueschan lura anc pliras partidas en la nova fundada UEFA Nations League. Uschai gioga l’equipa naziunala ils 12 d’october a Brüssel cunter la Belgia e trais dis pli tard a Reykjavik cunter l’Islanda. Questas equipas han giugà ina cunter l’auter. La Belgia batta l’Islanda cun 3:0.

RR novitads 23:00