Siglir tar il cuntegn

Naziunal/Internaziunal La Scozia e la Svezia van per aur a l'EM da curling

Svezia cunter Scozia – Omadus finals al campiunadi europeic èn vegnids decidids tranter quellas duas naziuns.

Las dunnas da la Scozia cun il skip Eve Muirhead.
Legenda: Las dunnas da la Scozia cun il skip Eve Muirhead. Keystone

Tar las dunnas gudognan las Scottas il titel. L'equipa cun il skip Eve Muirhead va per aur e batta las Svedaisas cun 6:3. Gia l'onn passà han las curlistas da la Svezia pers il final. Lura encunter las Russas.

Ils umens da la Svezia cun il skip Niklas Edin (dretg).
Legenda: Ils umens da la Svezia cun il skip Niklas Edin (dretg). Keystone

Il cuntrari tar ils umens

Tar ils umens han ils Svedais gudagnà il final encunter la Scozia ed èn danovamain campiuns d'Europa. Ils Svedais cun il skip Niklas Edin battan la Scozia cun 10:5. Per il skip Edin è quai sia quarta medaglia d'aur en seria ad in campiunadi d'Europa da curling. Quai n'era fin uss anc mai grategià ad in curlist.

RR novitads 20:00