Siglir tar il cuntegn

Header

Navigaziun

Dus hockeyans.
Legenda: Il goli svizzer Luca Hollenstein, parescha in sajet dal Russ Kirill Slepets. Keystone
cuntegn

Naziunal/Internaziunal La segunda medaglia sto spetgar

Ils juniors svizzers perdan il final pitschen cunter la Russia cun 2:5.

  • La Svizra perda malgrà ina ferma prestaziun il final pitschen a Vancouver.
  • Cun la terrada da 2:5 cunter la Russia manchenta la squadra naziunala sia segunda medaglia suenter l'onn 1998.

Al campiunadi mundial dals juniors perda la Svizra il final pitschen cunter la Russia cun 2:5. Quai malgrà ina ferma prestaziun. Uschia manchenta la squadra dal trenader Christian Wohlwend la segunda medaglia da bronz dapi bun 20 onns.

Finlanda gudogna aur

La Finlanda è nov campiun mundial dal hockey dals juniors. En il final a Vancouver han ils Finlandais gudagnà cunter ils Americans cun 3:2. 86 secundas avant la fin ha Kaapo Kakko da TPS Turku fatg il gol decisiv a favur dals Finlandais. Avant avevan ils Americans pudì egualisar in 0:2.

Ils Finlandais gudognan quest onn per la terza giada entaifer tschintg onns il titel. En il mezfinal han ils juniors da la Finlanda gudagnà cunter la Svizra cun 6:1. La Svizra ha terminà il turnier sin il quart plaz. Ella ha pers il final pitschen cunter la Russia cun 2:5.

RR novitads 06:00+