Playoffs mezfinal: gieu 5
Gieu | Resultat | Seria |
Tavau - Berna | 3:4 ( 2:3 0:1 1:0 ) | 1:4 (seria a fin) |
Genevra - Lugano | 2:3 ( 0:0 0:1 2:1 ) ( 0:1 ) | 2:3 |
Il HCD po cudeschar vacanzas
En ils ultims diesch onns ha il HCD pliras giadas pudì volver in retard dad 1:3 en ina seria da playoffs. Uschia 2007 (cunter ils ZSC Lions), 2008 (Zug) u 2009 (Friburg). Cunter Berna n' è quai questa stagiun betg reussì. Els perdan la fin finala cler en la seria cun 1:4. Berna è uschia èn il final dals playoffs. Là fruntan els lura sin il victur da la seria Lugano cunter Genevra. Quai duel n'è dentant anc betg decis. Lugano ha gudagnà sonda ordaifer a Genevra suenter prolungaziun e maina ussa en la seria cun 3:2. Decidi è la seria dentant pir cur che ina equipa ha gudogna quatter gieus.
HCD na po betg defender il titel dal campiun svizzer
La finamira da la squadra dad Arno del Curto è stada clera: Defender il titel dal campiun svizzer. Quai n'è ussa dentant enconuschentamain betg gartegia. Dentant n'èsi era betg uschè savens il cas ch'in'equipa da la Liga naziunala A vegn da defender il titel. Dapi il 2001 n'è quai betg pli gartegia ad ina squadra da Liga Naziunala A. Da quella giada han ils ZSC Lions gudogna il on 2000 e 2001 il titel dal campiun svizzer.
Ultim gieu per Genoni e Guerra
Per il goli dal HCD Leonardi Genoni è questa terrada stà l'ultim gieu per Tavau. Il goli banduna suenter 9 onns il HCD e mida tar l'SCB. Suenter il gieu han ils fans detg adia ad el. Genoni ha ils ultims 9 onns pudì festivar 3 titels da campiun svizzer cun il HCD.
Duas giadas champiun svizzer cul HCD è Samuel Guerra daventà. Lez è il segund giugader che banduna enconuschentamain l'equipa grischuna. Suenter 7 onns mida el tar ils ZSC Lions.