Siglir tar il cuntegn
cuntegn

Naziunal/Internaziunal La Svizra batta il Principadi dal Lichtenstein cun 3:0

En ina partida da test cunter il Principadi dal Lichtenstein gudogna la Svizra cun 3:0.

Xherdan Shaqiri marca il 2:0 cunter il principadi dal Lichtenstein.
Legenda: Xherdan Shaqiri ha giugà ina ferma partida e marca il 2:0 per la naziunala Svizra. reuters

L’equipa naziunala Svizra gudogna la partida da test a Thun cunter il Principadi dal Lichtenstein cun 3:0. En la 29. minuta marca Blerim Dzemaili l’emprim gol per l’equipa naziunala. Da pausa manava uschia la naziunala Svizra cun 1:0.

En la segunda mesadad marca Xherdan Shakiri il 2:0, ed en la 68. minuta sajetta Dzemaili il segund gol da la saira tar il resultat final da 3:0.

La naziunala Svizra ha dominà la partida

Ils Svizzers han dentant tralaschà pliras bunas schanzas da marcar ulteriurs gols. Duas giadas ha Pajtim Kasami tuc la traversa dal gol, ina giada ha il capitani Stephan Lichtsteiner tuc sulet il gol e betg el gol. Per la Svizra ha il goli numer trais Marvin Hitz dà ses debut.

Quai era la davosa partida avant il gieu da qualificaziun per ils campiunadis d’Europa dumengia proxima ordaifer cunter la Lituania.

RR novitads 23:00