L’equipa naziunala svizra da ballape ha gudagnà l’emprim gieu da la «barrage» per il campiunadi mundial en Russia. L’equipa dal trenader Vladimir Petkovic ha battì a Belfast l’Irlanda dal Nord cun 1:0. Ricardo Rodriguez ha sajettà en la 58avla minuta il gol da la victoria. Igl è stà in penalti dispitaivel. In tir da Xherdan Shaqiri aveva tutgà ord curta distanza il bratsch dal defensur Corry Evans.
Dominà, mo manchentà numerusas schanzas
La Svizra ha dominà per gronda part il gieu ed è stada in bun tant pli savens en possess da la balla, mo ha er manchentà numerusas schanzas.
La victoria dad 1:0 a Belfast è in bun punct da partenza per il gieu da return che è dumengia saira a las 18:00 a Basilea. Là basta lura in pari per sa qualifitgar per il campiunadi mundial en Russia.
RR novitads 23:00
