Siglir tar il cuntegn
Inhalt

Naziunal/Internaziunal La Svizra batta la Germania

En la Cuppa Germania ha la Svizra gudagnà er il segund gieu, quai cunter la Germania cun 4:3 suenter penaltis. Uss po la Svizra giugar per la victoria dal turnier.

Purtret da l'equipa Svizra.
Legenda: La Svizra ha battì la Germania en la Cuppa Germania. Keystone

Per la Svizra èsi stà ina perdita da puncts nunnecessaria. En las ultimas 9 minutas dal gieu steva quai 3:1, ma la Germania ha pudì suenter. Fertant ch'il goli Lukas Flüeler n'ha betg laschà tras pucks, han ils Svizzers Lino Martschini e Yannick Herren tutgà lur penaltis.

Per finir il turnier fruntan ils Svizzers la dumengia da mezdi sin la Russia. Er lezza ha gudagnà il segund gieu, quai cunter la Slovachia cun 2:1 ed ha sco la Svizra tschintg puncts.

La Russia, il victur olimpic, ha gudagnà l'onn passà la Cuppa Germania. La Svizra ha gudagnà il turnier da quatter naziuns l'ultima giada il 2007.

RR novitads 17:00