Siglir tar il cuntegn

Naziunal/Internaziunal La Svizra è gia bravamain sut squitsch

Suenter las terradas en ils emprims 2 gieus dovra l’equipa naziunala Svizra exnum ina victoria oz suentermezdi encunter il Danemarc. Tar il success vulan ins tranter auter vegnir entras midadas.

trenader Patrick Fischer instruescha giugaders
Legenda: Il trenader Patrick Fischer mussa als giugaders co els duain vegnir enavos al success. Keystone

Dapli effizienza e midadas en l’equipa duain manar tar il success. Tenor il giugader da la NHL, il Grischun Nino Niederreiter, saja da star dapli davant il gol ed uschia irritar il goli dal adversari. Igl vali era da reagir meglier sin rebounds, sajets che rebattan dal gol.

Entras midadas al success

Da l’autra vart duain midadas en l’equipa purtar enavos il success. Nov sin il glatsch per la Svizra vegnan igl attatgader Reto Schäppi ed il defensur Noah Schneeberger. Els dattan enstagl da Gäetan Haas e Robin Grossmann.

Il gieu tranter la Svizra ed il Danemarc cumenza a las 15:15.